STJÒRNARSKIFTI: Eftir drúgvt áramál undir Vinnumálaráðnum hevur Landsverk fingið nýggjan arbeiðsgevara. Politiski arbeiðsgevarin eitur nú Annika Olsen (F) og hon er landsstýriskvinna í innlendismálum.

FORKANNINGAR: Fólk frá Landsverki hava hesar seinastu dagarnar skotið seismikk í Skopunarfirði. Næsta stigið verður at gera kjarnuboringar.

FERÐSLUTRYGD: Ferðslutrygdarráðini í Norðurlondum eru samd um at taka lógvatak til tess at minka um talið á teimum, sum doyggja í vanlukkum við motorsúkklum. Talið er lutfalsliga høgt.

ÚTBJÓÐING: Fimm feløg hava boðið seg fram at byggja eitt sambýli fyri sinnisveik í Havn. Tríggjar milliónur krónur eru millum hægsta og lægsta boðið.

SLØKKIÚTGERÐ: Herverk varð herfyri gjørt á nakrar av elsløkkjarunum í Gásadalstunlinum. Málið er so mikið álvarsamt, at Landsverk hevur avgjørt at melda. Slíkt kann ganga út yvir trygdina.

MOBILITETSVIKA: Hesar næstu sjey dagarnar eru meiri enn 2000 býir í Evropa við í einum stórum tiltaki, sum skal avmarka bilkoyringina í býardeplunum. Í Norra skipa fleiri býrir fyri bilfríum degi komandi leygardag.