Landsverk hevur eftirlit við almennum leigumálum

Ognir

Landsverki hevur ábyrgd av at viðlíkahalda bygningar landsins. Í 2022 var samlaða fermetratalið komið upp á umleið 260.000. Viðlíkahaldsarbeiði verður gjørt í neyvum samarbeiði við avvarðandi aðalráð og stovnar.

Viðlíkahaldsskipan og markamót

Arbeiðsbýtið millum einstaka stovnin og Landsverk er skipað í ‘Leiðregluni fyri markamót og viðlíkahaldsbýtið millum Landsverk og landsins stovnar’ (markamótarskjalið), ið er tøkt her: Markamót útgáva dagf. 06.06.2022_ rev 8.pdf (landsverk.fo)

Endamálið við skjalinum er at geva stovnum yvirlit yvir hvørjar skyldur Landsverk og stovnurin/brúkarin hava í sambandi við bygningar hjá landinum.

Innan nøkur øki er ikki skipað húsavarðatænasta og er LV í holt við at menna tænastu innan tað økið. Nærri verður at frætta um tað í januar 2024.

Atgongd til viðlíkahaldsskipanina Dalux
Skipanin er ætlað til skráseting av málum innan bygningsviðlíkahald. T.v.s. stovnsleiðari ella varafólk hansara kunnu skráseta mál/uppgávur innan viðlíkhaldi í skipanini.

LV vil eisini eftir umstøðunum royna at koma regluliga runt hvørt ár til allar bygningar landsins og tá gera metingar av støðuni, men ynskir fegin at stovnar eru virknir partur av at eyðmerkja viðurskifti og at samskifta við LV um viðurskiftini.

Atgongd til Dalux-skipanina
Atgongd til skipanina fæst við at skriva til Boga Vinther, toymisleiðara.

Atgongd til skipanina fæst her: www.dalux.com
LV er tøkt við nærri leiðbeining.

Viðlíkhald av almennum bygningurm

Yvirskipaða endamálið við bygningsviðlíkahaldi er at tryggja byggitekniska støðið á almennum bygningum, og at tryggja virkseminum í bygningunum fullgóðar og vælvirkandi karmar.

Landsverk arbeiðir við at skráseta allar bygningar hjá landinum, soleiðis at møguligt er at gera eina langtíðar viðlíkahaldsætlan fyri hesar bygningarnar. Hetta arbeiðið verður gjørt í samráði við aðalráðini og avvarðandi stovnar.

Viðlíkahaldsarbeiði fevnir tó um annað, enn bert vanligt viðlíkahald. Landsverk veitir bæði byggilistarliga & -tøknuliga ráðgeving í samband við størri og smærri umbyggingar, dagføringar og tillagingar o.a. hjá landinum.

Landsverk veitir ráðgeving, sum er beinleiðis tengd at øðrum pørtum av bygging yvirhøvur. Eitt nú kanningar, støðumetingar, gerð av byggiskrá ella annað.

Landsverk ger ymiskar verkætlanir og luttekur í nevndararbeiði, sum á byggilistarligan ella byggifrøðiligan hátt livir upp til áhugamál landsins.

Landsverk hevur eftirlit og ger tilmæli um leigumál og keyp av ognum fyri landið.

Søguligir bygningar

Løgtingslóg um friðan av fornminnum og bygningum, sum seinast broytt við løgtingslóg nr. 11 frá 19. apríl 1972, er galdandi fyri allar friðlýstar bygningar og bygningspartar í Føroyum.

Vegna Føroya landsstýri hevur verkætlanardeildin á Landsverki í neyvum samarstarvi við Tjóðsavnið til uppgávu at viðlíkahalda og umvæla friðlýstar bygningar landsins. 

Leigumál

Landsverk er góðkennnandi myndugleikin í sambandi við leigumál hjá aðalráðunum og avvarðandi stovnum. Uppgávan er at ráðgeva bæði bygningsfakliga og rakstrarliga í sambandi við leigumál, og at góðkenna allar leigusáttmálar.

Keyp av ognum

Landsverk ger í hvørjum einstøkum føri eina støðumeting. Mett verður um eina ogn í mun til tað virksemi, sum ognin skal hýsa. Somuleiðis verður mett um byggitøkniliga støðið á ognini.

Eisini verður mett um kostna fyri møguligar broytingar, tillagingar ella umvælingar.

Orkutøk

Landsverk ger eitt miðvíst arbeiði fyri at betra um bygningarnar hjá landinum. Serliga við atlit í sambandi við orkunýtslu. Bygningar, sum hóska væl til orkuumvæling, verða útvaldir, og síðani verður arbeitt við at orkuumvæla hesar.

Endamálið við okuumvælingini er bæði at minka um orkunýtsluna og at betra um komfort, funktion og hækka støðið á bygningum landsins. Miðað verður ímóti at arbeiða við bæði disponering, klimaskermi, hitakeldum, stýringum og atburði.

Úrslit: