ÚTBJÓÐING: Íslendska felagið TG Verk, sum átti lægsta tilboðið, hevur fingið arbeiðið at bjálva og klæða stóra B-bygningin á Landssjúkrahúsinum.

FERÐSLUTRYGD: Ferðhámarkið millum Sandavág og Miðvág lækkar nú úr 80 niður í 60 km/t. Nýggj ferðsluskelti verða sett upp í dag, sum boða frá broytingini.

HAGTØL: 309 klipp eru tilsamans givin til bilførarar í 2008. Av hesum eiga mennirnir 213 klipp, meðan kvinnurnar eiga tey írestandi 96 klippini.

AVHENDAN: Í dag varð nýggi skúladepilin í Suðuroy handaður Landsverki. Nú verður innbúgv o.a. sett upp, soleiðis at klárt verður at taka nýggja skúlan í brúk í februar.

LJÓSSKIPAN: Dioduljósini í Leynatunlinum, sum vóru tendraði í desember, eru nú sløkt aftur. Orsøkin til hetta er, at ljósini órógva bilførarar. Arbeitt verður við at finna eina loysn sum skjótast.

LISITATIÓN: Átta feløg hava boðið seg fram at gera nýggjan klimaskerm á Landssjúkrahúsinum. Landsverk fer nú at taka støðu til boðini.

JÓLAFERÐSLA: Ferðslan til Æðuvíkar í desember 2008 var minnið enn í desember 2007.

VEGARBEIÐI: Arbeiðið við at gera vegjaðaran aftur á Kaldbaksvegnum verður nú tikið upp aftur, og fer at taka áleið 14 dagar afturat.

VETRARHALD: Vetrarhaldið hjá Landsverki er skipað soleiðis, at landsvegirnir verða hildnir farbarir millum kl.07.00 og 21.00 yrkadagar og millum kl.08.00 kl.21.00 sunnu- og halgidagar. Í serligum førum verða vegirnir eisini saltaðir og ruddaðir fyri kava eftir kl. 21.

AVHENDAN: Ætlanin at avhenda skúladepilin í Suðri til Landsverk í dag er útsett ein mánað, tí Landsverk metir at skúlin er ikki klárur at taka í brúk. Kortini er líkt til, at næmingarnir sleppa í nýggja skúlan sum ætlað 1. februar.