SKERJINGAR: Nýggjar tíðir við kapping, dýrkaður framleiðslukostnaður og skerdar játtanir hava gjørt, at asfaltframleiðslan hjá Landsverki er minkað niður í eina helvt. Tískil noyðist stovnurin nú at minka um starvsfólkaliðið í grótbrotinum í Porkeri, sum letur alt tað føroyska grótið, sum verður brúkt í asfaltframleiðsluni.

MARKNAGIL: Byggiskráin fyri Skúladepilin við Marknagil, varð í dag handað landsstýriskvinnuni í mentamálum, Helenu D. á Neystabø. Byggiskráin verður í næstum send út til tey fimm, sum eru vald út at bjóða upp á prosjekteringsarbeiðið.

AVHENDAN: Mánadagin verður alment hátiðarhaldi í nýggja Fiskivinnuskúlanum í Vestmanna í sambandi við, at formligt punktum verður sett við skúlabyggingina.

SKÚLADEPIL: Nú eru fimm umsøkjarar útvaldir at lata inn tilboð upp á prosjektering av skúladeplinum við Marknagil. Nú verður útbjóðingartilfarið sent teimum.

HERVERK: Minst tvær ferðir er herverk í seinastuni gjørt á arbeiðsamboð í Leynatunlinum. Herverkið seinkar arbeiðnum og er meldað til politiið.

ÚTBJÓÐING: Íslendska felagið TG Verk, sum átti lægsta tilboðið, hevur fingið arbeiðið at bjálva og klæða stóra B-bygningin á Landssjúkrahúsinum.

FERÐSLUTRYGD: Ferðhámarkið millum Sandavág og Miðvág lækkar nú úr 80 niður í 60 km/t. Nýggj ferðsluskelti verða sett upp í dag, sum boða frá broytingini.

HAGTØL: 309 klipp eru tilsamans givin til bilførarar í 2008. Av hesum eiga mennirnir 213 klipp, meðan kvinnurnar eiga tey írestandi 96 klippini.

AVHENDAN: Í dag varð nýggi skúladepilin í Suðuroy handaður Landsverki. Nú verður innbúgv o.a. sett upp, soleiðis at klárt verður at taka nýggja skúlan í brúk í februar.

LJÓSSKIPAN: Dioduljósini í Leynatunlinum, sum vóru tendraði í desember, eru nú sløkt aftur. Orsøkin til hetta er, at ljósini órógva bilførarar. Arbeitt verður við at finna eina loysn sum skjótast.