Eftirspurningurin í samfelagnum eftir byggitilfari og asfalti er minkaður so nógv, at Landsverk fyrr í ár millum annað segði fólki í grótbrotinum í Porkeri úr starvi. Virksemið var minkað so mikið nógv, at hetta tók grundarlagið undan føstu størvunum í grótbrotinum. Í dag verða teir kundar, ið eru, avgreiddir av verandi starvsfólkum hjá Landsverki í Suðuroy.

STARVSDAGUR: Berint Johannesen, sum starvast sum maskinførari hjá Landsverki kundi 1. juli hátíðarhalda sín 50 ára starvsdag. Berint fekk í hesum sambandi handað “Hendes Majestæts Dronningens fortjenstmedalje i sølv”.

FERÐSLUÁTAK: Nú verður miðjaðari gjørdur frá Mannbrekku til Sunds. Hetta arbeiðið er ein partur av arbeiðinum at betra um ferðslutrygdina eftir Kaldbaksvegnum.

LISITATIÓN: Ì dag hevur verið lisitatión á Landsverki ísv. leinging av portalinum í Hovstunlinum, Øravíkarmegin. 3 feløg lótu inn tilboð.

LISITATIÓN: Í dag hevur verið lisitatión á Landsverki. 7 tilboð eru komin inn um at veita og heingja upp fendarar á Krambatanga í Trongisvági.

LISITATIÓN: Í dag hevur lisitatión verið á Landsverki. Tvey feløg hava boðið seg fram at umvæla Brúnna um Streymin.

LÓGARSMÍÐ: Fríggjadagin varð sjøtil settur á arbeiði at gera fyrstu føroysku landsbyggireglugerðina, tá ið umboð fyri byggivinnuna og myndugleikarnar settu hvør øðrum stevnu. Betri og felags byggireglur, sum hóskar til okkara land, er endamálið við nýggju landsbyggireglugerðini

UMVÆLING: Í morgin byrjar stórarbeiðið at umvæla Brúnna um Streymin. Ferðslan verður leidd við ljósregulering meðan arbeiðið fer fram, og kann ferðslan verða nakað tarnað.