Ein stovnur við fjølbroyttari serfrøði

Starvsmøguleikar

Droymir tú um at bjóða tær sjálvum av og seta varðar eftir teg við týdningarmiklum og stásiligum verkum, so letur Landsverk dyrnar upp fyri tær.

Leys størv

Einki leyst starv í løtuni

Landsverk sum arbeiðspláss

Vit bjóða eitt spennandi og avbjóðandi arbeiðsumhvørvi við bæði praktiskum, meira yvirskipaðum og tvørfakligum uppgávum, ið hava stóran týdning fyri alt samfelagið. Dentur verður lagdur á at skapa varandi virðir, sum virka optimalt, har bæði funktión, byggilist, sniðgeving, trivnaður og tað umhvørvisvinarliga gongur upp í eina hægri eind. Faklig mørk verða brotin niður, og samstarv tvørtur um hesi mørk er ófrávíkiligt.

Saman við dugnaligum starvsfeløgum verður tú partur av spennandi verkætlanum. Tú kemur at arbeiða saman við fólki við sera ymiskum førleikum, sum í sjálvum sær er bæði spennandi, mennandi og avbjóðandi. Stóru fakligu avbjóðingarnar seta høg krøv til starvsfólkini. Tí verður nógv gjørt burtur úr at menna starvsfólkini við til dømis árligari menningarsamrøðu, leiðslumenningarskeiðum og øðrum innan- og uttanhýsis skeiðsvirksemi. Fyri at samansjóða starvsfólk og varpa ljós á ymisk evnir, sum eru upp í tíðini, verður skipað fyri evnisdøgnum, starvsfólkafundum og øðrum fakligum og sosialum tiltøkum.

Vilt tú vita meira um Landsverk sum arbeiðspláss, ber til at hitta nøkur starvsfólk frá ymsu fakbólkunum her. Eisini ber til at síggja listan við øllum starvsfólkunum á Landsverki her.

Setanartilgongdin

Gjøgnumgongd av umsóknum  Tá ið umsóknarfreistin at søkja eitt starv er farin, gjøgnumgongur setanarnevndin allar umsóknir. Best skikkaðu umsøkjararnir verða síðani bodnir til eina samrøðu.


Setanarsamrøður
Til setanarsamrøðuna luttekur avvarðandi leiðari. Harumframt er aloftast eitt umboð frá Stjórnardeildini við.


Setan og avsløg
Eftir samrøðurnar tekur setanarbólkurin endaliga støðu til, hvør eigur at setast í starv. Allir umsøkjarar fáa skrivligt svar. Tó ringja vit í flestu førum eisini til teir umsøkjarar, ið hava verið til setanarsamrøðu.

Starvsvenjing og lestrarverkætlanir

Ert tú farin undir eina byggitekniska útbúgving, lesur tú búskaparfrøði, umsiting, HR, samskifti, KT ella aðra fyri okkum á Landsverki viðkomandi útbúgving, og tørvar tær eitt arbeiðspláss til uppgávuskriving ella starvsvenjing, ert tú altíð vælkomin at venda tær til okkum. Send ein teldupost til lv@lv.fo, ella vend tær til okkara HR-leiðara.

HITT STARVSFÓLKINI

Ein stovnur við fjølbroyttari serfrøði

Landsverk er eitt ógvuliga samansett arbeiðspláss. Vit hava nógvar ymiskar starvsfólkabólkar og serfrøðingar. Vit eru samanlagt 150 starvsfólk. Av hesum hava heili 22 prosent starvast oman fyri 25 ár, meðan 41 prosent hava verið í starvi fimm ár ella styttri. Miðalaldurin á starvsfólkunum er 49 ár, meðan miðalstarvstíðin er 13 ár.

Størsti starvsfólkabólkurin eru maskinførarar, ið eru umleið 40 í tali. Í hølunum á teimum eru handverkararnir, sum telja 30, meðan verkfrøðingarnir eru 20 og teknikarar 12. Av øðrum starvsfólkabólkum eru arkitektar, byggifrøðingar, búskaparfrøðingar, umsjónarfólk, skrivstovufólk, samskiftisfólk, maskinmeistarar og reingerðarfólk. Kynsbýtið er 82 prosent menn og 18 prosent kvinnur.

Sí annars blaðið Fjølbroytt serfrøði her

Úrslit: