Vøruskrá

0-8 mm er frásáldað úr skervframleiðsluni. Frásáldað verður mest brúkt sum tætt javningarlag í tún og á gongugøtum, undir reinari skervi og oljugrúsi. Tilfarið er tætt og leiðir tí illa vatn burtur og er óegnað til betong.

Tilfarið liggur úti og verður fylt so væl blandað sum gjørligt á bil við gummiged.

Kann nýtast sum avrættingarlag á sama hátt sum 0-8 mm.  Vansin er, at 8-16 mm tilfarið er reint sáldað og festir seg ikki.  Fyrimunurin er, at tað er ótætt og tí leiðir vatn.  Mest vanliga støddin at leggja á tún.

Skervurin liggur úti og verður fyltur í bil við gummiged.

Kann brúkast til avrætting. Er reint sáldað, liggur leyst, og leiðir tískil væl vatn burtur og er vælegnað uppat t.d dubbaplasti ímóti húsaveggjum. 

Skervurin liggur úti og verður fyltur á bil vð gummiged.

0-32 verður mest brúkt sum tætt javningarlag undir asfalt. Tilfarið er tætt og leiðir tí illa vatn burtur og er óegnað til betong.

Tilfarið verður blandað eftir tørvi og bara smærri nøgdir liggja á goymslu.  Vinarliga sig frá á tlf 202530 um tørvur er á størri nøgdum.

Forknúsað tilfar FK 0-250 verður knúst niður til óskildan skerv 0-63 mm.  Sum við FK 0-250 liggur 0-63 í rúgvu og skilir seg nakað, tó ikki so nógv sum FK 0-250 tilfarið.  Óskildur skervur verður brúktur til avrætting. t.d. undir hús, tún, gøtur, vegir og havnaløg, oman á eyr, forknúst tilfar og grótfyllu.

Grót verður lati á spreingistaðnum, fylt á bil við gummiged.  Tilfarð er ójavnt í stødd frá steinum úr 2-3 tons (3/4-1m3) til smásteinar.

Ávís skiljing er møgulig, um biðið verður um annaðhvørt stórt ella smátt grót.  Grót verður nýtt til størri ífyllu t.d. undir hús, vegir og havnaløg.

Stórir steinar yvir 1 tons. Verða latnir á spreingistaðnum, fylt á bil við gravimaskinu ella gummiged.

Frásáldaða tilfarið verður sáldað burtur úr skotna grótinum, áðrenn tað fer í forknúsaran. Nakað av royðu er vanliga uppi í hesum tilfarinum. Tilfarið liggur úti og verður fylt á bil við gummiged. Frásáldað verður mest brúkt sum tætt javningarlag í túnum og á gongugøtum undir reinari skervi ella oljugrúsi. Tilfarið er tætt og leiðir tí illa vatn burtur og er óegnað til betong. ​

Sum navnið sigur, er frásáldað ikki beinleiðis framleiðsla, og tí ikki altíð á goymslu.

Forknúsað er grót, knúst niður í 0-250 mm í forknúsaranum. Í rúgvuni av forknúsaðum liggja teir størstu steinarnir uttast og teir smáu innast í rúgvuni. Tilfarið liggur úti og verður fylt so væl blandað sum gjørligt í bil við gummiged.  Um biðið verður um tað, kann tað forknúsaða í ávísan mun fyllast við meira ella minni av stórum steinum upp í.  Forknúst verður brúkt til lægri ífyllu m.a. undir húsum, vegum, og havnarløgum og sum javnandi lag omaná grótfyllu.