HØVUÐSEFTIRLIT: Í árunum fram til 2011 varð Brúgvin um Streymin høvuðsumvæld, og er nú sum nýggj. Í sambandi við høvuðsumvælingina er gjørd serstøk gongubrúgv, sum er fest í norðaru brúgvasíðu. Í komandi viku fer fram høvuðseftirlit av brúnni, sum fer at merkja ferðsluna nakað.

FERÐSLUTRYGD: Vágaportalurin hevur seinastu dagarnar gjørt eitt sindur gjøldur burtur úr broytingini av einum landsvegateini í Sørvági. Millum annað undir speisku yvirskriftini “Nýtt meistaraverk hjá Landsverki tekur skap.”

BYGGING: Mánadagin undirskrivaðu Landsverk og LM Electric undir størsta sáttmála, sum ein føroysk el-fyritøka hevur gjørt í sambandi við eina byggiuppgávu í Føroyum. Talan er um el-arbeiðstøkuna til nýggja Skúladepilin við Marknagil.

FERÐSLA: Ferðsluteljingar fara fram alt árið, og Landsverk hevur 9 teljarar liggjandi á vegakervinum ymsastaðni í Føroyum.

FRAMLEIÐSLA: Til tess í størri mun at taka hædd fyri umhvørvinum, hevur Landsverk gjørt royndir við endurnýtslu av asfalti. Hetta hevur hepnast so mikið væl, at longu í ár verður farið undir at endurnýta avfresað asfalt í framleiðsluni. Somuleiðis fer stovnurin í størri mun at nýta sokallað sproytiasfalt til minni ferðslutungar vegateinar, ið er ein munandi bíligari framleiðsluháttur.

KAPPING: Vegna ov lítla undirtøku er hugskotskappingin, sum Landsverk ætlaði at skipa fyri annað árið á rað, avlýst.