Seinast dagført: 01-01-2017

8.4.3.2 Tilfar, verksmiðjuframleiddir lutir og útinnan

Stk. 1Áseting

Evni, sum kunnu skaða ella skerja høvuðs frárenningarskipan, reinsiútbúnað ella móttakara í náttúruni, mugu ikki latast út í frárenningar­innleggingar og høvuðs frárenningarskipanir.

(8.4.3.2, stk. 1)Vegleiðing

Kommunali byggimyndugleikin kann, sbrt. løgtings­lóg um umhvørvisvernd, seta krøv til frárenningarvatn, sum verður veitt í høvuðs frárenningar­leiðingar.

Evni, sum kunnu skaða ella minka um virkið á frárenningarskipan, reinsiútbúnað ella móttakara í náttúruni, skulu nevtraliserast ella haldast aftur í skiljarum.

Stk. 2Áseting

Lok og hyljingar skulu:

  1. Gerast, staðsetast og festast á ein slíkan hátt, at trygdin at byrgja fyri vanlukkum er nóg stór.
     
  2. Hava styrki og mótstøðuføri ímóti árini á tey.
     
  3. Vera sett, so tyngd á tey ikki skaðar frárenningarinnleggingarnar.
(8.4.3.2, stk. 2)Vegleiðing

Lok skulu kunna handfarast ráðiliga eftir reglum frá Arbeiðseftirlitinum.

Stk. 3Áseting

Har vandi er fyri, at høvuðs frárenningarskipanin ikki megnar at veita burtur vatnnøgdina, skal frárenningarinnleggingin gerast soleiðis, at vandi ikki er fyri vatnfloymi, ið ger skaða í bygningin.

Stk. 4Áseting

Frárenningarinnleggingar skulu gerast soleiðis, at vatn ikki rennur yvir í vatnveitingarútbúnað og vatninnleggingar ella til aðra frárenningarskipan ella til annan innleggingarlut.

Stk. 5Áseting

Um høvuðs frárenningarleiðingar eru gjørdar sum sundurskild skipan, skulu frárenningar-­innleggingar gerast sum sundurskild skipan.

(8.4.3.2, stk. 5)Vegleiðing

Við høvuðs frárenningarleiðingar skilst almennu frárenningarleiðingarnar, so sum kommunala netið.

Stk. 6Áseting

Kommunali byggimyndugleikin kann krevja, at neyðugt luftskifti í høvuðs frárenningarleiðingum skal gerast gjøgnum frárenningarinnleggingina í eini ogn.

Úrslit: