Evni, sum kunnu skaða ella skerja høvuðs frárenningarskipan, reinsiútbúnað ella móttakara í náttúruni, mugu ikki latast út í frárenningarinnleggingar og høvuðs frárenningarskipanir.
Kommunali byggimyndugleikin kann, sbrt. løgtingslóg um umhvørvisvernd, seta krøv til frárenningarvatn, sum verður veitt í høvuðs frárenningarleiðingar.
Evni, sum kunnu skaða ella minka um virkið á frárenningarskipan, reinsiútbúnað ella móttakara í náttúruni, skulu nevtraliserast ella haldast aftur í skiljarum.
Lok og hyljingar skulu:
Lok skulu kunna handfarast ráðiliga eftir reglum frá Arbeiðseftirlitinum.
Har vandi er fyri, at høvuðs frárenningarskipanin ikki megnar at veita burtur vatnnøgdina, skal frárenningarinnleggingin gerast soleiðis, at vandi ikki er fyri vatnfloymi, ið ger skaða í bygningin.
Frárenningarinnleggingar skulu gerast soleiðis, at vatn ikki rennur yvir í vatnveitingarútbúnað og vatninnleggingar ella til aðra frárenningarskipan ella til annan innleggingarlut.
Um høvuðs frárenningarleiðingar eru gjørdar sum sundurskild skipan, skulu frárenningar-innleggingar gerast sum sundurskild skipan.
Við høvuðs frárenningarleiðingar skilst almennu frárenningarleiðingarnar, so sum kommunala netið.
Kommunali byggimyndugleikin kann krevja, at neyðugt luftskifti í høvuðs frárenningarleiðingum skal gerast gjøgnum frárenningarinnleggingina í eini ogn.