Gamlarætt

Havnin á Gomlurætt var liðug í 1993. Landsverk hevur ábyrgdina av havnini og teknisku umsitingini. Havnin verður nýtt av Strandfaraskipum Landsins í sambandi við farleiðirnar í Sandoynna og Hest. Landsverk hevur gjørt leigusáttmála við Tórshavnar Havn, sum hevur innrættað part av havnini við flótibrúgvum til bátar og atløgubryggju til ferðamannasigling. Fyrispurningar um aðra nýtslu av havnini og kajøkinum skulu sendast Landsverki í góðari tíð.