Teknologisk Institut arbeiðir við at skráseta og avmarka umhvørvisárin frá verandi bygging  og veita fakfólki amboð og vitan til skynsamar mannagongdir til umhvørviskanningar, tryggja arbeiðsumhvørvið og handfara byggiburturkast. 

Hetta skeið er ætlað ráðgevum, byggiharrum, arbeiðstakarum og myndugleikum, sum arbeiða við at umbyggja, taka niður ella broyta bygningar og sum ynskja at læra rættar hættir til at kanna, skráseta og handfara heilsu- og umhvørvisskaðilig evni í bygningum.

Umhvørvisstovan og Landsverk skipa fyri skeiðinum.

Á skeiðnum fært tú m.a.:

• Holla innleiðslu í at umhvørviskortleggja bygningar og bygningslutir.
• Yvirlit yvir týdningarmestu umhvørvisskaðiligu evnini, hvar í bygningum og tíðarskeiðini, tá tey eru nýtt.
• Venjing at eyðmerkja og skráseta umhvørvisskaðilig evni við ítøkiligum royndum og dømum.
• Innføring í markvirðir, sýnatøku og flokking av burturkasti, soleiðis at tú gerst før/-ur fyri at meta um, hvar og hvørji sýni skulu takast.
• Hóskandi kanningarhættir til fullgóða umhvørviskortlegging, at alt viðkomandi tilfar og váðar verða lýstir.
• Kunning um at handfara arbeiðsumhvørvi og burturkast – harundir burturkaststigskipanina, at taka skaðiligt tilfar innanúr verandi bygningum og at burturbeina tilfarið á rættan hátt.
• Innlit í sambandið millum umhvørviskortlegging og arbeiðsumhvørvi.

3 góðar orsøkir til at luttaka, at tú:

• lærir at fremja umhvørviskortlegging á tryggum grundarlagi og at handfara umhvørvisskaðilig evnir rætt.
• fært amboð og vitan, sum styrkir bæði arbeiðsumhvørvi og umhvørvisábyrgd.
• verður undirvíst/-ur av royndum serfrøðingum við innliti í evropeiskari lóggávu, og  sum hava praktiskar royndir úr byggivinnuni.

Skeiðsdagar og tíð: 20. – 21. oktober 2025 frá kl. 8.30 – 16.

Tilmeldingarfreist: 10. oktober 2025.

Les meiri um skránna og melda teg til her.