Fríggjadagin 23. august var móttøka í sambandi við, at Marjun Weihe Thomassen er sett sum stjóri á Landsverki.

Í sambandi við at Marjun Weihe Thomassen er sett sum stjóri á Landsverki, bjóðar stovnurin til almenna móttøku. Øll eru hjartaliga vælkomin.

Hósdagin 18. juli varð seinasta skot latið av í Fámjinstunlinum

Hósdagin 18. juli verður seinasta skotið latið av í Fámjinstunlinum. Í hesum sambandi skipar Landsverk fyri almennari hátíðarløtu við tunnilsmunnan í Fámjin kl. 14.00.

Grótbrotini og asfaltverkið hjá Landsverki eru opin sum vanligt til 26. juli 2024. Tó verða grótbrotið í Hundsarabotni og Hústoft opið eftir avtalu.

Landsverk hevur skrivað undir ráðgevarasáttmála við Henning Larsen North Atlantic um at projektera nýggja felagsbygningin hjá Setrinum.

Tann 3. juni stóð Landsverk fyri einum kunningar- og dialogfundi fyri starvsfólk hjá landsins stovnum og stjórnarráðum, ið hava við umsiting og rakstur av bygningum at gera. Endamálið við fundinum var at kunna stovnar og ráð um uppgávur og verkætlanir hjá Landsverki, sum eru í gerð ella undir fyrireiking.

Síðani vit løgdu fram um temabløðini, Ábær ferðsla og Ferðafólkaferðsla, tann 18. juni í Smæruni, hevur Landsverk fingið fleiri áheitanir um at koma at greiða frá um, hvussu vit betra umstøðurnar fyri fólk til gongu og á súkklu, og hvussu vit best skipa stóru ferðafólkaferðsluna á burðardyggum grundarlagi.

Í løtuni gera vit eitt ferðslutrygdarátak í Æðuvík, har vegurin verður merktur til "2 minus 1 veg". Eisini verða tvær vegbungur settar upp, sum skulu tálma ferðini hjá bilum. Saman skapa hesi átøkini betri og tryggari umstøður fyri fólk til gongu og á súkklu. Henda málbólkin kalla vit eisini fyri "ábær ferðsla". Arbeiðið er í gongd og verður skjótt liðugt, og verður vanliga ferðslan ikki nógv órógva av hesum, men skal nú tillaga seg nýggju umstøðurnar.