STARVSSETAN: Felagið fyri yrkisbyggiharrar í Føroyum hevur nú sett samskipara í starv, hvørs endamál er at mynda arbeiðið hjá felagnum í størri mun, eins og at gera strategiskar ætlanir fyri virksemið. Tað er 34 ára gamla Marjun Olsen Lützen úr Klaksvík, ið tekur við starvinum sum samskipari í Byggiharrasamtaki Føroya 1. apríl.

VITJANIR: Landsstýrismaðurin í samferðslumálum hevur sett sær fyri at vitja kring landið, har Landsverk hevur sítt virksemi. Fyrsta vitjanin var í Suðuroy í gjár, har landsstýrismaðurin varð kunnaður um tær verkætlanir, sum antin eru í gongd ella møguliga verða settar í gongd.

FERÐSLUTRYGD: Arbeiðið at bøta um trygdina í tunlunum Norður um Fjall er nú um at koma undir land. Millum annað eru rýmingarljós og eldsløkkjarar sett upp í báðum tunlunum.

VERKÆTLAN: Í sambandi við ein komandi Eysturoyartunnil og fyri at lætta um ferðslutrongsulin, er alneyðugt at fáa gongd á aftur arbeiðið at gera innkomuvegin til Havnina lidnan. Saman við leiðsluni á Landsverki var landsstýrismaðurin í samferðslumálum fríggjadagin og kunnaði seg um verkætlanina, og hann ætlar sær at gera sítt til, at arbeiðið verður tikið upp aftur skjótast gjørligt.

HAVNARÚTBYGGING: Í dag undirskrivaði Landsverk sáttmála við byggifelagið J&K Petersen um at leingja pierin við Krambatanga, so atløguviðurskiftini hjá Smyrli kunnu gerast munandi betri.

BYGGING: Byggiharrasamtak Føroya hevði aðalfund fríggjadagin, har nýggj ætlan varð gjørd fyri framtíðina. Í hesum sambandi fer samtakið at seta ein samskipara í starv, sum skal mynda arbeiðið hjá samtakinum og gera strategiskar ætlanir fyri virksemið.

ROYNDARVERKÆTLAN: Kunoyartunnilin er ein av teimum síðstu lágferðslutunlunum í landinum, ið nú verður dagførdur við trygdarútgerð. Sum liður í hesum arbeiði hava fólk frá Landsverki í dag sett upp ljós í parti av Kunoyartunlinum. Talan er um eina royndarverkætlan fyri at kanna eftir, hvussu hetta slagið av ljósum roynist í tunlinum.

BYGGING: Sum skilst, dámar Rágevarafelagið ikki at fáa atfinningar. Felagið fer eftir Landsverki fyri ikki at røkja sín leiklut sum almennur byggiharri. Leikluturin hjá Landsverki er at vera professionellur innkeypari innan byggivinnuna, meðan ráðgevararnir hava sum uppgávu at veita vøruna. Tað vil siga at gera prosjekt og kostnaðarætlan. Her er tað, at trupulleikar oftani stinga seg upp.