Føroyar skal eftir øllum at døma vera eitt royndarland við elbilum. Elbilarnir hjá SEV eru vanligir Citroen C1 bilar, sum eru umbygdir til elbilar: Citroen C1 EVie. Teir koyra í mesta lagi 50 km/t, hava ein elmotor við 30 kw ella 40 HK og kunnu koyra einar 60-70 km uppá eina løðing.


Stjórin á Landsverki, Oyvindur Brimnes, á veg inn í býin við elbilinum hjá SEV.


Sambært Oyvindi Brimnes er stórt sæð eingin munur á, hvussu ein elbilur og ein vanligur bilur ljóða, tí nýggir bilar eru jú eisini so ljóðleysir í dag.

Roynist væl til býarkoyring
Tað var stjórin á Landsverki, Oyvindur Brimnes, sum royndarkoyrdi elbilin fyrrapartin í dag. Hann koyrdi ein túr oman í býin, Yviri við Strond og so aftur á Tinghúsvegin.

Spurdur, hvat honum dámdi biltúrin, var hann skjótur at svara: "Um varandi orka kann løða bilarnar, er hetta avgjørt eitt spennandi prosjekt, og bilurin roynist sera væl til býarkoyring," segði stjórin á Landsverki.

Tað er gott, at tú ikki sleppur avstað við bilinum, áðrenn tú hevur tikið "stikkið" úr", segði ein smílandi Oyvindur, tá ið hann var mintur á at taka stkkið úr, áðrenn farið var á rull.