Landsverk stendur fyri bygging og viðlíkahald av almennum bygningum. Játtanir til hesi økir eru hjá aðalráðunum, og umsitur Landsverk játtanirnar fyri aðalráðini. Bygningadeildin tekur sær í stóran mun av hesum uppgávum.

Høvuðsuppgávurnar hjá bygningadeildini fevna um nýbygging og viðlíkahald av almennum bygningum. Harumframt tekur deildin lut í viðgerð av øðrum málum, har bygging og bygningar, landslag og formlist eru partar av hesum.

Í sambandi við nýbygging er tað uppgávan hjá bygningadeildini at greina og raðfesta krøvini til byggingina – við atliti at funktionaliteti, estetikki, góðsku og kostnaðarstøði, soleiðis at tað virksemið, sum skal fremjast, fær best møguligar karmar.

Bygningadeildin savnar dátur um almennar bygningar í dátugrunn til tess at fremja samskipaða stýring av viðlíkahaldsarbeiðum, og deildin setur viðlíkahaldsarbeiðini í verk í samráð við tey, sum varða av bygningunum.

Les lýsingina eftir deildarleiðara til bygningadeildina her.