Herfyri skipaði Almanna og Heilsumálaráðið fyri eini ráðstevnu um fólkaheilsu undir heitinum "Frá hugskoti til veruleika".

Endamálið við ráðstevnuni var at fáa ítøkilig uppskot á borðið um, hvat kann gerast fyri at røkka málunum, sum eru sett í fólkaheilsuætlanini hjá landsstýrinum - Visión 2015.

Landsstýrið hevur sett sær fyri at fáa tiltøk í verk á fylgjandi økjum:

- Rørsla
- Kostur
- Royking
- Rúsdrekka- og rúsevnismisnýtsla

Armgarð E. Steinhólm, sivilverkfrøðingur á vegadeildini hjá Landsverki, helt vegna Landsverk eina framløgu um ítøkilig uppskot hjá Landsverki til gongu- og súkklugøtur og sóljuleiðir.

Framløgan kann heintast her: Fólkaheilsa2007.ppt (3,42 MB)