Lýsing

Fleiri av verandi bústøðum í Tórshavn til fólk við menningartarni eru í gomlum og slitnum sethúsum, ið ikki eru hildin við líka, og sum aloftast ikki eru hóskandi til endamálið. Eirargarður er einasti vardi bústaður, sum í síni tíð varð bygdur til endamálið. Verandi bústaðir og bústovnar eru í ringum standi, bíðilistin til búpláss er langur, og eingi tøk pláss eru í skipanini til bráðfeingis búpláss.

Nýggja heimið er staðsett á Mýruni í Hoyvík. Heimið fevnir um tvey sambýli, har hvørt sambýlið er ætlað 18 fólkum. Hvørt sambýlið fer at fevna um tríggjar eindir við seks búfólkum í hvørjari eind. Av hesum eru tvær eindir sjálvstøðugar íbúðir á 40 fermetrar. Tilknýtt hvørjari av hesum eindunum, skal vera køkur/stova. Triðja eindin skal fevna um vanligar tvey-rúms íbúðir á 50 fermetrar við egnari inngongd, ið liggja fyri seg sjálvan. Umframt búeindirnar fevnir hvørt sambýlið um felags fasilitetir, so sum starvsfólkarúm, starvsfólkaumklæðing við baðirúmi og sansa/venjingarrúm til búfólk, reingerðarrúm og vaskirúm.

Støðan

mars 2022

Sambýlið á Mýruni reist

mars 2022

Vegna serligar veitingar av tilfarið og ringt veður í vetur, er tíðarætlanin seinkað nakað. 

mars 2021

Landsstýriskvinnan í Almannamálaráðnum, Elsebeth M. Gunnleygsdóttur, loysti fyrsta flagið til nýggja sambýlið við fólk við menningartarni.  

januar 2020

Eftir at skipanaðaruppskotið varð handað 6. september 2019 var greitt, at 29 mió. kr. var ov lítið í mun til krøv og ynskir. Verkætlanin varð tá fyribils steðgað. Gongd er nú komin á aftur verkætlanina. Farið er undir at fyrireika prosjektuppskotið.

juli 2019

MAP Arkitektar eru farin undir at prosjektera verkætlanina, sum væntandi verður liðug í februar 2020.

mars 2019

Sáttmálasamráðingar eru enn í gongd við MAP. Verður væntandi undirskrivað í næstum.

januar 2019

Undangóðkenning av ráðgevum fór fram í oktobur 2018, har fýra ráðgevarar vórðu undangóðkendir. Talan var um MAP Arkitektar, ZETA Arkitektar, Arkitektar 99 og SNA. Tilboð upp á sjálva ráðgevingina vórðu latin inn síðst í novembur, og MAP Arkitektar vunnu uppgávuna at standa fyri tekniskari ráðgeving í samband við arkitekta- og verkfrøðingaarbeiðið. Landsverk er í løtuni í sáttmálasamráðingum við MAP um heildarráðgeving. 

oktober 2018

Undangóðkenning til ráðgeving er boðin út. Talan er um tvær byggiverkætlanir, og byrjað verður við Sambýlinum á Mýruni í Hoyvík, har stovnar áður hava húsast.

juni 2018

Fyrireikingar verða nú gjørdar at bjóða út ráðgevingina í sambandi við verkætlanina, sum væntandi fer út fyrst í juli.

apríl 2018

Bygginevndin mælir til at útboð til ráðgeving fyri fyrsta sambýlið verður í mars-apríl 2018, og høvuðsarbeiðstakaraútboðið í januar 2019. Útboð til ráðgeving fyri seinna sambýlið verður í oktober-november 2019, og høvuðsarbeiðstakaraútboðið í juli-august 2020. Gongst eftir ætlan verður fyrsta sambýlið klárt í mars-apríl 2020, og tað seinna í oktober-november 2021.

Tekningar / Konsept

mynd
mynd
mynd

Tekningar / Konsept

mynd
mynd
mynd

Fakta

Bygningsánari: Almannamálaráðið

Brúkari: Almannaverkið

Byggiharri: Landsverk

Høvuðsráðgevi: MAP

Høvuðsarbeiðstakari: ÁTS, Install og RenoVent 

Tíðarætlan: Væntandi liðugt januar 2023

Kostnaðarætlan: 46,0 mió. krónur

factimg
Úrslit: