Seinast dagført: 01-01-2017

6.5.2 Dagsljós

Stk. 1Áseting

Arbeiðsrúm v.m. og búrúm skulu hava slíka tilgongd til dagsljós, at rúmini eru væl upplýst. Vindeygu skulu gerast, setast og møguliga sólaravbyrgjast soleiðis, at rúmini ikki verða ovhitað av sólarljósi, og at tað slepst undan ampum av beinleiðis sólarljósi.

(6.5.2, stk. 1) Vegleiðing

Arbeiðsrúm v.m. skilst arbeiðsrúm, tilhaldsrúm í stovnum, undirvísingarhølir, matsalir o.tíl.

Í arbeiðsrúmum v.m. kann dagsljósið vanliga sigast at vera nóg gott, tá ið rútavíddin við síðuljósi svarar til í minsta lagi 10 % av gólvvíddini ella við ervaljósi á í minsta lagi 7 % av gólvvíddini treytað av, at rútarnir hava eitt ljósgjøgnumskygni á í minsta lagi 0,75.

Tey 10 % og 7 % eru vegleiðandi, tá bygningurin er vanliga staðsettur, og hølini eru gjørd og innrættað vanliga.

Um slagið av vindeygum er ókent, tá verkætlanin verður prosjekterað, kann karmljósvíddin roknast um til rútavídd við at falda karmljósvíddina við faktorinum 0,7. Rútavíddin eigur at økjast lutfalsliga, um ljósgjøgnumgongdin minkar (t.d. í sambandi við sólskýggjandi rútar), ella ljósatgongdin til vind­eyguni minkar (t.d. tí bygningar eru tætt við).

Dagsljósið kann eisini sigast at vera nóg mikið, tá ið tað við útrokning ella máting kann ávísast, at dagsljósfaktorurin við arbeiðsplássini er 2 %. Tá ið dagsljósfaktorurin verður ásettur, verða atlit tikin at veruligu umstøðunum, eitt nú vindeygaskapi, staðseting, horving, ljósgjøgnumskygni gjøgnum rútarnar, og hvussu rúmið og umhvørvið annars eru.

Vísast kann til ”SBi-anvisning 203 - Beregning af dagslys i bygninger” og ”SBi-anvisning 219 - Dagslys i rum og bygninger, 2007”.

Kravið um dagsljós skal síggjast í samanheingi við vanlig sjónarmið um, hvørja heilsuliga ávirkan dags­ljós hevur. Mongdin av dagsljósi hevur eisini ávirkan á orkunýtsluna til ravmagnsljós.

Stk. 2Áseting

Vikið kann verða frá kravinum um tilgongd til dagsljós, um kravið hevur við sær avgerandi vansa fyri raksturin í fyritøkuni, t.d. tá ið ­framleiðslan ikki loyvir dagsljósi.

Úrslit: