Seinast dagført: 01-01-2017

6.3.1.2 Bústaðarbygningar

Stk. 1 Áseting

Í øllum búrúmum og í bústaðnum sum heild skal vera ein útiluftstilflutningur á í minsta lagi 0,3 l/s pr. m² av upphitaðari hæddarvídd.
 

(6.3.1.2, stk. 1) Vegleiðing

Í sambandi við útrokning av neyðuga útiluftstil­flutninginum verður víddin roknað sum samlaða brutto hæddarvíddin.

Kjallarar skulu somuleiðis gerast við luftskifti.

Stk. 2 Áseting

Køkar skulu vera útgjørdir við roykhettu við mekaniskari útsúgving yvir komfýrinum. Roykhettan skal hava mekaniska útsúgving, sum kann stillast, og útluftingin skal vera beint út í fríska luft. Roykhettan skal hava nóg stórt virkni til at beina burtur royk og dálkaða luft, sum stendst av matgerð.

(6.3.1.2, stk. 2) Vegleiðing

Kókiplátur kunnu t.d. vera el- ella gasupphitaðar og innbygdar í komfýrar.

Stk. 3 Áseting

Dagliga luftskiftið í bústaðareindum skal útvegast við luftskiftisútbúnaði, sum hevur hitaendurnýtslu við innblásing í búrúm og útsúgving í baði­rúmum, vesirúmum, køkum og vásakøkum.

Um summarið kann natúrligt luftskifti umvegis vindeygu, luftskiftisop og líknandi brúkast í staðin fyri mekaniskan luftskiftisútbúnað.

(6.3.1.2, stk. 3) Vegleiðing

Um summarið kann verða neyðugt við meira luftskifti fyri at sleppa av við yvirskotshitan. Í hesum sambandinum kann natúrlig, mekaniskt ella samansett luftskifti nýtast.

Stk. 4 Áseting

Luftskiftið í køki, baðirúmi, vesirúmi, vásakøki o.tíl. rúmum skal kunna økjast í minsta lagi til niðanfyri nevnt:

Í køki skal ein luftnøgd á í minsta lagi 20 l/s súgvast út og í baði- /vesirúmi ein luftnøgd á í minsta lagi 15 l/s. Í vesirúmum uttan bað, vásakøkum og kjallararúmum skal ein luftnøgd á í minsta lagi 10 l/s súgvast út.

(6.3.1.2, stk. 4) Vegleiðing

Tann økta luftnøgdin, sum her verður kravd, vil ofta hava við sær, at eitt størri samlað luftskifti verður kravt í bústaðnum enn tað dagliga luftskiftið á 0,3 l/s pr. m².

Stk. 5 Áseting

Tørvstillagað luftskifti kann nýtast treytað av, at tilførslan av útiluft harvið ikki verður lægri enn 0,3 l/s pr. m².

(6.3.1.2, stk. 5) Vegleiðing

Tørvstillagað luftskifti merkir vanliga tillagan eftir vætuviðurskiftunum.

Tørvstillagað luftskifti kann eisini vera ein roykhetta, stýrd við hond. Útsúgving frá baðirúmum og vesi­rúmum eigur altíð at vera í minsta lagi 10 l/s.

Stk. 6 Áseting

Einbýlishús kunnu skifta luftina við natúrligum luftskifti. Fyri einbýlishús við natúrligum luftskifti eru stk. 1, 2 og 4 somuleiðis galdandi.

(6.3.1.2, stk. 6) Vegleiðing

Við einbýlishús skilst hús við einum bústaði, íroknað tvíhús, raðhús, bólkahús, ketuhús o.o., har ið bústaðirnir eru atskildir við loddrøttum íbúðar­skilnaði.

Við natúrligt luftskifti skilst, at luft verður flutt inn gjøgnum ventilar í útveggjum og beind burtur við natúrligum uppráki gjøgnum útluftingarrør frá køki og baði-/vesirúmi, ført yvir tak.

Í sambandi við natúrligt luftskifti frá rúmum á fleiri hæddum eigur at tryggjast, at ovaru hæddirnar ikki verða ávirkaðar av upprákinum frá niðaru hæddunum.

Virkiskrøvini til luftskifti í rúmum við vanligari rúmhædd eru roknað at vera lokin, tá ið luft­skiftið í rúmunum er sum niðanfyri:

Tilhaldsrúm
Tilflutt útiluft:
Umvegis vindeyga, sum kann latast upp, lúku ella úthurð. Ein ella fleiri útiluftventilar við fríum opi, sum tilsamans eru á í minsta lagi 60 cm² pr. 25 m² gólvvídd. Víddin á opinum út í fríska luft kann møguliga ásetast við støði í eini luftskiftistøkniligari útrokning.

Køkar
Tilflutt luft:
Umvegis op á í minsta lagi 100 cm² móti atkomu­rúmi, umframt vindeyga, sum kann latast upp, lúku ella úthurð.

Bað og vesi í sama rúmi
Tilflutt luft:
Umvegis op á í minsta lagi 100 cm² móti atkomu­rúmi.

Harafturat – um rúmið er móti útveggi – vindeyga, ið kann latast upp, lúku ella úthurð.

Burturflytan av inniluft:

Umvegis útluftingarrør við tvørvídd á í minsta lagi 200 cm².

Kjallararúm
Tilflytan av útiluft gjøgnum ein ella fleiri útilufts­ventilar.

Burturflytan av inniluft úr minst einum kjallararúmi við útluftingarrøri við tvørvídd á í minsta lagi 200 cm²

Stk. 7 Áseting

Fyri onnur rúm enn tey, sum eru nevnd í stk. 1-6, skal dimensjóneringin av luftskiftinum góð­kennast av kommunala byggimyndugleikanum við atliti at, hvussu stórt rúmið er, og hvat tað verður nýtt til.

(6.3.1.2, stk. 7) Vegleiðing

Við onnur rúm skilst vaski- og turkirúm, sauna, lyftur, bilhús o.tíl.

Úrslit:
Exception in template (\Designs\LV\Paragraph\include-epos.cshtml): System.Net.WebException: The operation has timed out
   at System.Net.HttpWebRequest.GetResponse()
   at CompiledRazorTemplates.Dynamic.dffffafcdcaac.Execute()
   at RazorEngine.Templating.TemplateBase.RazorEngine.Templating.ITemplate.Run(ExecuteContext context)
   at RazorEngine.Templating.TemplateService.Run(ITemplate template, DynamicViewBag viewBag)
   at RazorEngine.Templating.TemplateService.Parse(String razorTemplate, Object model, DynamicViewBag viewBag, String cacheName)
   at RazorEngine.Razor.Parse[T](String razorTemplate, T model, DynamicViewBag viewBag, String cacheName)
   at Dynamicweb.Rendering.Template.RenderRazorTemplate()
@using System.Xml.Linq @using System.Xml @using System.Linq @using System.Net @{ HttpWebRequest rq = WebRequest.Create("http://starvssetan.landsverk.fo/REK/joblistxml.asmx/GetJobList?JobListId=1&Language=fo") as HttpWebRequest; //3 Second Timeout rq.Timeout = 3000; //Also note you can set the Proxy property here if required; sometimes it is, especially if you are behind a firewall - rq.Proxy = new WebProxy("proxy_address"); HttpWebResponse response = rq.GetResponse() as HttpWebResponse; XmlTextReader reader = new XmlTextReader(response.GetResponseStream()); XmlDocument xml = new XmlDocument(); xml.Load(reader); XmlNodeList nodes = xml.SelectNodes("//JobOffer"); int starvtal = 0; } @foreach(XmlNode node in nodes){ starvtal++; } @if(starvtal==0){ <text><style> #toptopmen li.Størv a:after {display: none;} </style> </text> } else{ <text><style> #toptopmen li.Størv a:after {content: "@starvtal";} </style> </text>}