VERKÆTLAN: Arbeiðið at umvæla skúlan hjá Dugna við Áir er nú liðugt. Talan hevur í høvuðsheitum verið um ábøtur á luftviðurskiftir, innrætting og brunaviðurskiftir. Í dag var so punktum sett fyri hesi verkætlan á hugnaligari móttøku í skúlanum.

HÁTÍÐARLØTA: Sannur hátíðardámur var í Húsavík í dag, tá landsstýrsimaðurin í samferðslumálum, Heðin Mortensen, setti hakan í fyri tunnilsverkætlanini til Dals. Veðrið var av tí fagrasta, gott lag á fólki, og kenslan er altíð góð at seta hakan í fyri eini verkætlan, sum hevur til endamáls at betra framkomuleikan, økja um ferðslutrygdina og yvirhøvur upplivingina hjá teimum ferðandi.

HÁTÍÐALØTA: Í februar var borgarafundur í Húsavík um Dalstunnilin, har kunnað var um tunnilsverkætlanina. Nú, tríggjar mánaðar seinni, er klárt at fara undir verkætlanina.

VEGLEIÐING: Í ár skulu føroyingar á val tvær ferðir. Veljast skulu nevniliga umboð til bæði Fólkating og Løgting.

FERÐSLA: Alsamt fleiri bussar og leigubilar síggjast nú á føroysku vegunum. Landsverk hevur seinastu árini arbeitt miðvíst við at fyrireika og tillaga infrakervið til øktan ferðafólkastreym, men enn eru fleiri átrokandi uppgávur at loysa á bæði lands- og kommunalu vegunum. Serliga á smølu einbreytaðu landsvegunum er økta ferðafólkaferðslan ein avbjóðing.

FÍGGING: Um nøktandi viðlíkahald av almennum bygningum skal tryggjast, og hetta ikki skal tyngja fíggjarlógina óneyðugt, eigur húsaleiga at verða áløgd øllum leigarum í almennum bygningum. Við eini slíkari skipan ber til at innheinta eftirsleipið av viðlíkahaldinum og tryggja nøktandi viðlíkahald frameftir. Alt eftir støddini á húsaleiguni ber eisini til at leggja upp fyri enduríløgum og nýíløgum í almennar bygningar. Við øðrum orðum er talan um eina sjálvfíggjandi loysn, ið Landsverk fyrr hevur víst á sum eina rætta og gongda leið.

BYGNINGAR: Í 2018 var innflutningurin av olju til Føroya methøgur. Hetta er ikki í tráð við orkumálið hjá samgonguni um at fáa helvtina av øllum almennum bygningum at brúka grøna orku innan 2025. Um málið skal røkkast, er alneyðugt at fáa gongd á hetta arbeiðið. Við royndarverkætlanini “ORKUTAK” hevur Landsverk prógvað, at íløgur í grønar orkuloysnir løna seg.

Landsverk lýsir hervið tvær maskinur og tveir bilar til sølu. Freistin at lata inn tilboð er 24. apríl 2019.

FERÐSLUTRYGD: Arbeitt verður áhaldandi við at gera føroysku landsvegirnar tryggari. Á ársfundinum nú í morgun hjá Ráðnum fyri Ferðslutrygd varð ljós millum annað varpað á týdningin av at fáa so nógv og fjølbroytt hagtøl og lýsingar av ferðsluóhappum sum til ber. Jú fleiri dátur, tess størri eru sannlíkindini fyri røttum og úrslitagóðum ferðslutrygdartiltøkum.

FERÐSLA: Hóast várið so smátt er byrjað, er eingin trygd fyri, at ikki hálka framvegis kann koma fyri. Soleiðis var í nátt og í morgun, har 18 saltbilar hjá Landsverki løgdu frá landi klokkan fimm í morgun fyri at fáa saltað landsvegirnar, áðrenn vanliga morgunferðslan byrjaði. Hagtøl hjá Landsverki frá 2007 og frameftir vísa, at nøkur ár sleppur hálkan ikki endaliga sínum taki, fyrr enn umleið hálvan mai. Tí ræður um at vera serliga ansin, tá hitin nærkast frostmarkinum.