Burturkoyrsluútbúnaður skal gerast soleiðis, at viðurskiftini viðvíkjandi heilsu og trygd eru nøktandi, og at flest møgulig atlit eru tikin til endurnýtslufremjandi ruskskipanir.
Tá bygt verður, skal altíð tryggjast, at handfaring, skiljing, goymsla, burturbeining og flutningur av ruski kann fara fram á tryggan hátt.
Kommunali byggimyndugleikin ásetur talið av íløtum, kassum, tangum o.ø. og støddina á øki, sum er neyðugt fyri at skilja ruskið í fleiri bólkar.
Vísast kann til donsku ”At-vejledning D.2.24, Indretning og brug af dagrenovationssystemer”
Rusktangar, kassar o.tíl. skulu setast í somu hædd sum innkoyringin til ruskheintingina, ella soleiðis, at lætt er at heinta ruskið við tøkniligum hjálpartóli.
Verða rúm innrættað í bygninginum til at goyma rusk í, skulu gólv, veggir og loft í minsta lagi gerast sum brunatøkniligur bygningspartur fyri seg.
Brunatøkniligi bygningsparturin skal gerast við bygningsluti EI 60 A2-s1, d0 [BS- bygningsdel 60] og luftskiftisrør í minsta lagi sum bygningslutur EI 30 A2- s1,d0 [BS- bygningsdel 30] ella bygningslutur E 60 [F- bygningsdel 60].
Hurðar skulu vera beinleiðis útum.
Rúmið skal hava luftskiftisútbúnað, sum annaðhvørt er útsúgvingarútbúnaður við opum útum, ella innblástrar- og útsúgvingarútbúnaður.
Krøvini til luftskifti í ruskrúmum eru:
Ruskslokur og luftskiftisrør frá ruskslokum skulu gerast soleiðis, at brunatrygdin er nøktandi. Lúkur til ruskslokur skulu vera úr tilfari, ið ikki kann brenna, og mugu ikki setast inni í íbúðini. Ruskslokur skulu hava luftskifti við útsúgvingarútbúnað, og rúmið, har ruskslokurnar verða førdar niður til skal hava op beinleiðis útum.
Ruskslokur skulu í minsta lagi gerast við veggi sum bygningslutur EI 60 A2-s1,d0 [BS- bygningsdel 60] og luftskiftisrør yvir ruskslokuni sum bygningslutur EI 30/E 60 (ve ho i <-> o) A2-s1,d0 [BS-kanal 30 med integritet som F-kanal 60].
Krøv til luftskifti í ruskslokum eru: