Í høvuðsátaksleiðunum hjá sløkkiliðnum skal vera møguleiki fyri at lufta royk út.
Høvuðsátaksleiðin hjá sløkkiliðnum er vanliga trappurúm.
Í rúmum, har ikki er møguligt at lufta út royk við vanligum luftskifti um vindeygu í útveggi ella lúku í tekjuni, skal møguleiki vera fyri at lufta út royk á annan hátt.
Møguleiki fyri at lufta út royk skal gerast, soleiðis at sløkkiliðið kann lufta út kaldan royk í sambandi við átaksarbeiðið.
Dømi um rúm, har neyðugt kann vera at lufta út royk, eru t.d. kjallarar, slokur og loftsrúm. Í staðin fyri natúrligt luftskifti kann mekanisk útlufting av royki gerast.