Á hotellum, gistingarhúsum og líknandi bygningum skal í minsta lagi 5. hvørt seingjarpláss við egnum vesi- og baðirúmi vera nýtiligt hjá fólki í koyristóli sbrt. kap. 3.3.2, stk. 1.
Innrætting av vesi- og baðirúmum fyri rørslutarnað er lýst í ”SBi-anvisning 222, Tilgængelige boliger”.
Í bygningum, sbrt. stk. 1, við 10-20 seingjarplássum skulu innrættast í minsta lagi 2 seingjarpláss við egnum vesi- og baðihentleikum, sum eru fult atkomulig hjá fólki í koyristóli.
Við seingjarpláss skilst ein song, sum stendur á gólvinum. Uppreiðingar, sovisofur og koyggjusengur verða ikki roknaðar sum seingjarpláss. Sengur, sum eru 140 cm breiðar, verða roknaðar sum dupultsengur.
Seingjarpláss við egnum vesi- og baðirúmi til rørslutarnað verður lýst í atkomu minnislistanum hjá SBi, ”Tjekliste for sengepladser med egne wc- og badefaciliteter i hoteller m.v”, sum er at finna á www.sbi.dk/tilgaengelighed/tjeklister.
Innrætting av atkomuligum seingjarplássum við egnum vesi- og baðirúmi skal lúka krøvini í kap. 3.4.1, stk. 5, umframt niðanfyri nevndu krøv:
Í bygningum, sbrt. stk. 1, við 21-40 seingjarplássum skulu innrættast í minsta lagi 4 seingjarpláss við egnum vesi- og baðihentleikum, sum eru fult atkomulig hjá fólki í koyristóli.
Víst verður til stk. 2.
Í bygningum, sbrt. stk. 1, við meira enn 40 seingjarplássum skulu fyri hvørji 20 seingjarpláss, sum koma afturat, innrættast í minsta lagi eitt seingjarpláss við egnum vesi- og baðihentleikum, sum er fult atkomuligt hjá fólki í koyristóli.
Bygningar, innrættaðir við í minsta lagi 10 seingjarplássum við egnum vesi- og baðihentleikum, sum eru fult atkomulig fyri fólk í koyristóli, skulu lúka krøvini í stk. 1-3, sama hvat talið av seingjarplássum annars er.
Talið av fult atkomuligum seingjarplássum við egnum vesi- og baðihentleikum verður ásett sbrt. talvuni niðanfyri:
Altanir við atkomu frá rúmum, sum eru nevnd í stk. 1, skulu gerast soleiðis, at fólk í koyristóli kunnu nýta tær.