Seinast dagført: 01-01-2017

3.4.5 Baðirúm og skiftirúm

Stk. 1Áseting

Har baðirúm skulu innrættast sbrt. kap. 3.4.1. stk. 2, skal talið av brúsum lagast eftir starvsfólka­talinum og vera hóskandi innrættað. Skiftirúm skulu gerast í samband við baðirúm.

(3.4.5, stk. 1)Vegleiðing

Kravið kann lúkast við at innrætta í minsta lagi eina brúsu fyri hvørji 10 starvsfólk. Skiftirúm eiga at verða skildrað frá baðirúminum.

Sbrt. kunngerð um innrætting av føstum arbeiðsplássum skulu kvinnur og menn annaðhvørt hava baðirúm hvør sær, ella hava møguleika at nýta baðirúmið hvør sær.

Stk. 2Áseting

Vesirúm skulu gerast í samband við baðirúm.

Stk. 3Áseting

Í vinnuvirkjum, har arbeiðið er skitið og heilsuvandamikið, skal hóskandi tal av frítt atkomiligum hondvøskum setast upp.

(3.4.5, stk. 3)Vegleiðing

Kravið kann lúkast við at seta upp í minsta lagi eitt hondvask fyri hvørji 5 starvsfólk. Hondvøsk í vesirúmum ella í forrúmum, sum kunnu læsast, verða ikki íroknað.

Stk. 4Áseting

Í baðirúmum og rúmum, har vaskipláss er, skal frárenning vera í gólvinum.