Umbygging av Eirargarði

ÚTBOÐ: Landsverk heitir hervið á fyritøkur um at geva tilboð upp á umbygging og dagføring av Eirargarði 14 a.

Uppgávurnar fevna millum annað um:

- Umbygging av vesum
- Umbygging av køki
- Montering av ventilatión
- Montering av AVS
- Montering av on-line talgildari termostatar + stýring
- Dagføring av ljósbúnaði
- Dagføring av gólvbúnaði
- Dagføring av litseting
- Dagføring av hvítvørum (vask & køk)
- Montering av lift útgerð

Útboðið verður framt sum eitt alment útboð sambært løgtingslóg nr. 106 frá 15. november 1984 um útbjóðing. Arbeiðið verður bjóðað út sum ein høvuðsarbeiðstøka.

Útboðstilfar

Útboðstilfarið er atkomuligt umvegis talgilda samskiftispallin hjá Ordragevara á: https://www.ibinder.com/External/EnquiryLink.aspx?id=wfdjczlbhf

Tað er gjørligt hjá brúkarum av iBinder at tilluta loyvi til at síggja útboð gjøgnum iBinder. Vegleiðing er eisini at finna á www.iBinder.com

Spurningar og support til samskiftispallin iBinder kunnu stílast til:

Helga Johannesen
Tel. 290 873
Teldupost: hejo@lv.fo

Tilboð
Tilboð skulu latast inn talgilt gjøgnum samskiftispallin hjá Ordragevara, sum er iBinder. Innlating av tilboðum fer fram við at senda samlað tilboð til skiljiblað "Tilboð" inni í samskiftispallinum iBinder. Vísast skal til vegleiðingina á heimasíðuni hjá iBinder https://www.ibinder.com/pub/dk/filmklip.aspx
undir "Digitalt udbud".

Tilboð skulu handast í síni heild í seinasta lagi: Hósdagin 26. september 2019 klokkan 14.00. Tilboð, sum koma inn eftir hesa freist, verða ikki tikin við til metingar. Tillutanartreytin er lægsti prísur.

Tilboð verða latin upp í iBinder klokkan 14.00, og tilboðsprísir og fyrivarni verða kunngjørd á IBinder beint eftir lisitatiónina, eina sokallaða talgilda lisitatión.

Sýn á staðnum og spurningar
Sýn á staðnum verður hildið hósdagin 12. september 2019 klokkan 10.00. Fundarstaður er Eirargarður 14 a. Av praktiskum ávum verða tit biðin um at boða frá luttøku til sýn á staðnum og hvussu nógv luttaka (tó ikki fleiri enn 2 umboð fyri hvønn tilboðsgevara) í seinasta lagi 09. september 2019. Fráboðanin fer fram við at senda teldupost til saih@lv.fo Frásøgn frá ástaðarfundinum verður løgd út á iBinder skjótast gjørligt.

Spurningar skulu setast á føroyskum og í iBinder undir skiljiblaði "Spurningar og svar". Spurningar skulu setast í seinasta lagi mánadagin 14. september 2019 klokkan 15.00. Spurningar verða svaraðir skrivliga og dulnevndir.

Freist: 26-09-2019 KL 14:00
Úrslit: