BYGGITÍÐTILMÆLD TÍÐARÆTLAN
2 ár2024-2025

Vegur umSkálafjørð

Núverandi støða

Verandi landsvegur er smalur og fer ígjøgnum bygt øki. Í 2012 var gerandisferðslan ígjøgnum bygdina 1.700 akfør um samdøgrið. Í januar 2018 búðu 122 fólk í Skálafjørðinum.

Vestari armur á Skálafjørðinum verður ein høvuðsatkoma til Eysturoyartunnilin, og bygdavegurin megnar ikki alla ta ferðsluna.
Vegurin er bert 4,5 m breiður, skúli liggur við vegin og samkoman Keldan, sum verður nógv vitjað.

Møgulig loysn

Umkoyringarvegurin er 2,4 km langur. Har nýggi Skálafjarðarvegurin og Fjarðarvegurin møtast, verður rundkoyring gjørd. Frá rundkoyringini verður nýggj íbinding gjørd til Skálafjørðin. Sunnan fyri rundkoyringina verður pendlarapláss og nýtt busssteðgipláss gjørt. Verkætlanin er prosjekterað og klár at bjóða út.

Tá Eysturoyartunnilin verður tikin í nýtslu, og høvuðsferðslan skal leiðast eftir vestara armi á Skálafjørðinum, verður tørvurin á umkoyringarvegi um Skálafjørðin størri. Tó treytað av, at loysn 1 (tunnil millum Gøtudal og Skálafjørðin) í verkætlanini um Gøtudalstunnilin, verður vald. Hinvegin verður minni tørvur á umkoyringarvegi um Skálafjørðin um loysn 2 ella 3 í verkætlanini um Gøtudalstunnilin, verða framdar, tí økta ferðslan millum Eysturoyartunnilin og Gøtudalstunnilin ikki velur at koyra ígjøgnum Skálafjørðin.

Kostnaðarmeting

Í talvunum er ein kostnaðarmeting sett upp av loysnini og árligum útreiðslum av rakstri og viðlíkahaldi (R/V).

Møguliga loysnin er prosjekterað og boðin út tvær ferðir áður, men kostnaðurin var mettur at vera ov høgur, og tí varð verkætlanin niðurløgd. 

m
Upphæddirnar eru í 2018 prísum og pr. ár í mió. kr.

Rakstur og viðlíkahald (R/V)
Øll verkløg eru tengd at rakstri og viðlíkahaldi. Sparingar kunnu vera, um gomlu vegirnir ella tunlarnir ikki skulu røkjast ella viðlíkahaldast meira. Tó kunnu verandi vegir verða nýttir til tilbúgvingar, aðra møguliga farleið, tá arbeiði er í tunlinum ella í sambandi við ferðavinnu, og tá eru eisini útreiðslur til rakstur og viðlíkahald íroknaðar. Harafturat er játtanin til rakstur og viðlíkahald minni enn tað, sum mælt verður til í mun til best hóskandi raksturin, og tí er sparingin lítil.

Í hesi verkætlan er eingin avlopsvegur ella –tunnil, og tí verða ongar sparingar av rakstri og viðlíkahaldi.

Rakstur: Rakstraruppgávur fevna um at veita streym til ljósútgerð, vanligt reinhald, reinsan av dreni og veitum, vetrarhald og vegamerking.

Viðlíkahald: Útskifting av perum í ljósbúnaðinum, asfaltering 15.-20. hvørt ár og útskifting av bilverju.

m
Upphæddirnar eru í 2018 prísum og pr. ár í mió. kr.

Tilmæli

Her verður mælt til oman fyri nevndu loysn.

Kostnaðarmeting í 2018 prísum:

60 mió. kr. við einum árligum rakstri og viðlíkahaldi á 0,7 mió. kr. Neyvari kostnaður fæst eftir prosjektering og útbjóðing. 

Avleiddar verkætlanir

Ongar avleiddar verkætlanir.

Samvirkan við aðrar verkætlanir

Vegurin kann við fyrimuni gerast samstundis sum Gøtudalstunnilin, tí tá er tunnilsgrót til verkætlanina tøkt nærhendis.

Byggitíð

2 ár

Tilmæld tíðarætlan

2024-2025

Seinast dagført: 15.11.2018
m
  • Uppskot til umkoyringarvegin um Skálafjørð

Samferðsluætlanin er eitt samstarv millum Landsverk, Strandfaraskip Landins
og Samferðslumálaráðið.

Úrslit: