BYGGITÍÐTILMÆLD TÍÐARÆTLAN
1 ár2020

Dagføring av Leirvíkstunlinum

Núverandi støða

Fyri 15 árum síðani var farið undir at dagføra nakrar av eldru tunlunum á høvuðsvegakervinum við trygdarútgerð. Verkætlanir vóru gjørdar fyri teir 4 ferðslutyngstu tunlarnar á landsvegakervinum: Norðskálatunnilin, Leynatunnilin, Kollfjarðartunnilin og Leirvíkstunnilin.

Norðskálatunnilin og Leynatunnilin eru liðugt dagførdir, meðan Kollfjarðartunnilin og Leirvíkstunnilin framvegis ikki eru dagførdir. Hesir tunlar hava trygdarskipanir og tekniskar installatiónir, sum ikki lúka treytirnar til tunlar í dag. Millum annað er ringt at fáa armatur til ljós o.a., tí útgerðin er ótíðarhóskandi og verður ikki framleidd longur.

Hvønn dag koyra 4.500 bilar ígjøgnum Leirvíkstunnilin.

Loysn 1

Tunnilin verður dagførdur við nýggjum LED-ljósum og trygdarútgerð

Hetta verður gjørt uttan at broyta verandi tunnilskonstruktión.

Loysn 2

Leirvíkstunnilin verður endurnýggjaður

Um Leirvíkstunnilin verður endurnýggjaður, kunnu nútíðar krøvini um trygd og ljós úr Noregi verða fylgd. Tað merkir, at víkipláss skulu spreingjast.

Kostnaðarmeting

Í talvunum er ein kostnaðarmeting sett upp av hvørjari loysn og árligum útreiðslum av rakstri og viðlíkahaldi (R/V).

Eingin av loysnunum er prosjekterað, og tí er ikki møguligt at gera eina neyvari prísmeting.

Allar loysnirnar eru mettar út frá standardprísum fyri líknandi verkætlanir. Fyrilit er tikið fyri óvissum í slíkum verkætlanum við ± 10 % í sambandi við eindarprísin, og tí er torført at gera neyvari kostnaðarmeting.
 

m
Upphæddirnar eru í 2018 prísum og pr. ár í mió. kr.

Rakstur og viðlíkahald (R/V)
Øll verkløg eru tengd at rakstri og viðlíkahaldi. Sparingar kunnu vera, um gomlu vegirnir ella tunlarnir ikki skulu røkjast ella viðlíkahaldast meira.

Í hesi verkætlan er eingin avlopsvegur ella –tunnil, og tí er eingin sparing av rakstri og viðlíkahaldi.

Rakstur: Rakstraruppgávur fevna um av at veita streym til ljósútgerð, vanligt reinhald, reinsan av dreni og veitum, vetrarhald og vegamerking.

Viðlíkahald: Útskifting av perum í ljósúbúnaðinum, asfaltering 15.-20. hvørt ár og útskifting av bilverju.

m
Upphæddirnar eru í 2018 prísum og pr. ár í mió. kr.

Tilmæld loysn

Loysn 1

Landsverk mælir til, at tunlarnir vera dagførdir við neyðugari trygdarútgerð og nýggjum ljósum. Hendan loysnin verður mett at geva ”mest trygd” fyri íløguna.

Kostnaðarmeting í 2018 prísum:

18-22 mió. kr. við einum árligum rakstri og viðlíkahaldi á 1,5 mió. kr. Neyvari kostnaður fæst eftir prosjektering og útbjóðing

Avleiddar verkætlanir

Ongar avleiddar verkætlanir.

Samvirkan við aðrar verkætlanir

Landsverk samstarvar við politi- og brandstøðina viðvíkjandi einari skipan til eftirlit av tekniskum installatiónum í teimum nýggjastu og mest dagførdu tunlunum (Viðareiðis-, Hovs-, Leynar-, og Norðskálatunnilin). Her kunnu løgreglan og Landsverk fylgja við støðuni í tunlunum og síggja, um t.d. ein eldsløkkjari verður tikin, ella um eldur er í.
Eftirlitið av Leirvíkstunlinum verður lagt í eftirlitsskipanina saman við hinum tunlunum.

Byggitíð

1 ár

Tilmæld tíðarætlan

2020

Seinast dagført: 15.11.2018

Samferðsluætlanin er eitt samstarv millum Landsverk, Strandfaraskip Landins
og Samferðslumálaráðið.

Úrslit: