Lýsing

Sethúsini í Tinganesi, sum standa suður og norð móti Eystaru Vág, eru í ringum standi og verða tí umvæld. Ætlanin er at nýinnrætta bæði loftshædd, miðhædd og kjallarahædd til umsitingarligt endamál. 

Støðan

juni 2018

Leigubúðin verður verður liðug um fáar dagar. Bæði Leigubúðin og Sethúsini verða tikin í nýtslu fyrsta dagin. Í viku 26 verður støða tikin til umvælingarnar av Skansagarði, ið standa fyri framman.

mars 2018

Tað er nú liðugt at høvuðsumvæl og nýinnrætta Sethúsini í Tinganesi, sum eru í trimum hæddum, har Fiskimálaráðið væntandi flytir inn í næstum. Nú verður farið undir innrætta kjallaran í Leiguíbúðini, har tað er pláss fyri tveimum skrivstovuhølum og einum fundarhøli, sum Fíggjarmálaráðið skal hava afturat sínum hølum. Nú eru umleið 200 fleiri fermetrar innrættaðir í Tinganesi, síðani farið varð undir at umvæla og nýinnrætta bygningarnar harúti. 

oktober 2017

Løgtingið játtaði í oktober 2,3 mió. krónur til liðugtgerð av Sethúsunum, innrætting av kjallaranum í Leigubúðini og móttøku í Bakkapakkhúsunum. Timburarbeiðið í Sethúsunum er um at vera liðugt, og málaraarbeiðið er sett í gongd. Í næstum verður farið undir arbeiðið í Leiðubúðini og Bakkapakkhúsunum. Fornfrøðiligar kanningar av Stokkastovuni verða gjørdar í ár.

 

juni 2017

Niðurtøka innan er gjørd og uppbygging er byrjað. Arbeiðið við loftshæddini er liðugt, og málaraarbeiðið er farið í gongd. Í miðhæddin er farið undir timburarbeiðið. Kjallarahæddin verður bert gjørd, um peningur verður játtaður.  

Fakta

Arbeiðsánari: Løgmansskrivstovan

Byggiharri: Landsverk.

Tekniskur ráðgevi: Kontrast

Tíðarætlan: Eftir ætlan verður Sethúsið liðugt umvælt í desember 2017.

Kostnaðarætlan: 1,8 mió. kr.

factimg
Úrslit: