Lýsing

Naviair fer at seta upp nýggja radomu á rotunduna á site C á Sornfelli. Gamla radomanin fórst í storminum um jóltíðir 2016. Ætlanin er at byrja arbeiðið fyrst í mai 2018. Áðrenn hetta kann byrja, skal radaraskannarin setast á piedestallin aftur. Skannarin varð tikin av fyri veturin, tí hann kann ikki standa óvardur á Sornfelli í vetrarhálvárinum.

 

 

Støðan

juli 2019

Komið er hálvan veg við viðlíkahaldstíðini í ár, og arbeiðið gongur eftir ætlan. Tað, sum gjørt verður í ár, er millum annað at fuga Radome C, ið er tann størri kupilin. Somuleiðis verða betongakkerini til radiomastrina umvæld og styrkt. Portalurin fekk skaða í vetur og er nú umvældur. Eisini verður atgongdsskipanin útbygd og dagførd. 

mars 2019

Arbeiðsárstíðin byrjar um miðjan mai, og tað fyrsta, ið verður raðfest, er at fuga tann norðara kupilin.

januar 2019

Upprudding eftir skaðanum í 2016 eru enn í gongd, eins og viðlíkahald framvegis verður gjørt. Sum leigumál er ein nýggjur veðurradari komin. Fokus er á syðra kupil, sum er í sera ringum standi. Her fyriliggur tó eingin játtan enn.
 

oktober 2018

Elarbeiði, málaraarbeiði og annað eru gjørd, og í løtuni verður arbeitt við tetting, ið hevur verið nógv darvað av veðrinum. Støðin er aftur í fullum rakstri.

juni 2018

Kupilin er monteraður allur sum hann er, og reisigildi var 11. juni. Í løtuni verður eftirarbeiði gjørt. Eitt nú tetting, elarbeiði, máling v.m. Arbeiðið, sum gingið sera væl, ikki minst takkað veri góða veðrinum, verður væntandi heilt liðugt fyrst í juli, tá radarin eisini verður í gongd aftur.

apríl 2018

Havandi í huga veðurviðurskiftini á Sornfelli – sjálvt á vári og sumri – má roknast við, at arbeiðið tekur seks-átta vikur. Arbeiðið væntast tískil liðugt um mánaðarskiftið juni-juli 2018.

Fakta

Bygningsánari: Samferðslumálaráðið/Landsverk

Brúkari: Naviair, umframt fleiri stovnar/feløg

Byggiharri: Naviair

Høvuðsráðgevi: Ikki valdur enn.

Høvuðsarbeiðstakari: Eysturlon

Tíðarætlan: Mai-juni 2018

Kostnaðarætlan: ikki almenn

factimg
Úrslit: