Bygging av heimi til børn og ung við autismu

ÚTBOÐ: Landsverk bjóðar hervið út ráðgevingina í sambandi við verkætlanina "Heim til børn og ung við autismu".

Heimið skal byggjast á matr.nr. 56a Argir, Tórshavnar Kommuna, og tað fevnir bæði um bygning, atkomu, parkeringsøki og uttanumøki.

Byggjast skal eitt heim á umleið 900-1.000 m²  í einari hædd. Heimið skal líkjast einum privatum heimi og skal tískil fella væl inn í bústaðarumhvørvið, ið liggur upp at byggiøkinum. Heimið er býtt upp í fýra ymiskar eindir, og einstøku eindirnar skulu ikki órógva hvørja aðra, men heldur stuðla upp undir virksemið í hvørji einstøku teirra.

Fólk við autismu eru sera ymisk og hava hvør sín serstakan tørv, og hetta skal heimið kunna rúma. Búfólkið skal kenna seg væl í heimligum tryggum umhvørvi, samstundis sum heimið skal vera opið fyri heimabúgvandi børnum og ungum við autismu, har hesi koma á Virkniseindina at gagnnýta ymsar hentleikar, sum eindin hevur at bjóða.

Alt byggiøkið skal hugsast inn í verkætlanina. Staðseting av atkomu og parkeringarøki skal loysast á skynsaman hátt, har hugsanin um eitt privat heim skal raðfestast høgt. Uttanumøkið kring heimið skal rúma uttandura aktivitetum av ymsum slagi. Týdningarmikið er, at heimið er væl vart móti vind og regni og ikki minst móti larmi. Samlaða byggiøkið er áleið 10.640 fermetrar.

Úrslit: