Niðurtøka av bygging skal fráboðast kommunala byggimyndugleikanum áðrenn niðurtøkuna.
Niðurtøka av friðaðum byggingum, lutum og bygningum, ið eru verdir at varðveita, krevur loyvi frá viðkomandi friðingarmyndugleikum.
Í serstøkum byggisamtyktum kunnu vera ásetingar um varðveitslu av verandi bygging, soleiðis at byggingin bert kann takast niður við loyvi frá kommunala byggimyndugleikanum.
Fráboðanin skal hava upplýsingar um bústað, matrikulnummar og stødd á byggingini, sum skal takast niður.
Kommunali byggimyndugleikin kann í tí einstaka førinum áseta treytir fyri niðurtøkuni.
Hesir bygningar kunnu takast niður uttan byggiloyvi ella fráboðan:
Ásetingin fevnir ikki um innbygd bilhús, bilskýli og líknandi smærri byggingar.
Um byggingin, sum skal takast niður, er friðað ella varðveitingarverd, krevst loyvi frá viðkomandi friðingarmyndugleikum.