Tænastuveitandi útbúnaður til almenningin, so sum sjálvtøkur, gjalds- og postgreiðslur o.tíl., skal setast upp soleiðis, at øll fólk kunnu brúka hesar, eisini fólk, sum ikki hava fullan førleika.
Støðuplássið framman fyri útbúnaði, sum lýst í stk. 1, skal vera vatnrætt og í minsta lagi 1,3 m x 1,3 m. Hæddarmunir í lendinum skulu javnast.
Víst verður til ásetingarnar um atkomuviðurskifti í óbygdum økjum í kap. 2, Byggiregulerandi ásetingar. Ásetingin kann lúkast við, at lendið verður javnað, og rampur verða gjørdar, sum lýst í kap. 3, Innrætting av bygningum.
Útbúnaður, sum lýstur í stk. 1, skal í hædd vera soleiðis, at fólk í koyristóli kunnu brúka hann.
Kravið kann eisini lúkast við, at útbúnaðurin lættliga kann stillast i hædd.